18.5 C
New York
April 17, 2024
Entertainments News Sport News

Gundogan muri Barcelona byaba byarangiye?

Ilkay Gundogan kapiteni w’ikipe ya Manchester city yo mu Bwongereza azajya gukina muri Barcelona nk’umukinnyi udafite andi masezerano ubwo kontaro ye muri City izaba irangiye mu mpera y’uku kwezi.

Gundogan ufite imyaka 32, Manchester City yari yamwemereye kontaro nshya.

Ariko birakekwa ko yagiranye ibiganiro na Barcelona bya kontaro y’imyaka itatu irimo inyungu nyinshi kurushaho, muri iyi kipe ifite igikombe cya shampiyona ya Espagne cyo mu mwaka w’imikino ushize.

Umutoza wa City Pep Guardiola yashakaga cyane kugumana Gundogan, wagize uruhare rukomeye mu gufasha iyi kipe kwegukana ibikombe bitatu bikomeye muri uyu mwaka w’imikino ushize.

2023
Uyu mukinnyi wo hagati w’Umudage yakinnye imikino 51 mu mwaka w’imikino wa 2022-2023, atsinda ibitego 11.

Uruhare rwa Gundogan rwabaye ingenzi cyane mu byumweru bya nyuma by’umwaka w’imikino wa City, atsinda ibitego bitandatu mu mikino irindwi ye ya nyuma – birimo n’ibitego bibiri yatsinze ubwo ikipe ye yatsindaga Manchester United ibitego 2-1 ku mukino wa nyuma wa FA Cup.

Yakinnye iminota 90 mu mukino wa nyuma wa Champions League ubwo City yatsindaga Inter Milan igitego 1-0, ikongera icyo gikombe ku cya shampiyona ya Premier League n’icya FA Cup muri uyu mwaka w’imikino.

Muri uku kwezi Guardiola yari yavuze ko Txiki Begiristain, umuyobozi ushinzwe imikino muri City, yari arimo “gukora” kugira ngo Gundogan ahagume kandi ko yari “yizeye ko ashobora kubigeraho”.

Kugenda kwa Gundogan kubaye nyuma yuko City yemeye amasezerano ya miliyoni 30 z’amapawundi (miliyari 43Frw) yagiranye na Chelsea, kugira ngo City igure umukinnyi wo hagati w’Umunya-Croatia Mateo Kovacic.

Gundogan yageze muri City mu mwaka wa 2016 avuye muri Borussia Dortmund. Icyo gihe byatangajwe ko yaguzwe miliyoni 20 z’amapawundi. Yakiniye City imikino 304, atsindamo ibitego 60.

Mu myaka irindwi yari amaze ku kibuga Etihad Stadium cya City, hamwe na yo yatwaye ibikombe 14 – bitanu bya Premier League, kimwe cya Champions League, bibiri bya FA Cup, bine bya Carabao Cup na bibiri bya Community Shield.

Yagizwe kapiteni mu ntangiriro y’umwaka w’imikino wa 2022-2023, nyuma yo kugenda kw’umukinnyi wo hagati w’Umunya-Brazil Fernandinho.

Related posts

NKUKO YABIVUZE PEREZIDA PAUL KAGAME UMUYOBOZI AGOMBA GUKORERA MUNYUNGU Z’ABATURAGE, BWANA FRANÇOIS HABITEGEKO NA MADAM ESPÉRANCE MUKAMANA BIRUKANWE KU MIRIMO.

M Fabrice

Sudan: Intambara ihanganishije RSF n’ Ingabo za Leta ikomeje kuba imbarutso y’ ibyaha bikomeye birimo n’ ubwicanyi bw’ ibasira bamwe mu moko aba muriki gihugu.

Ngenzi Kepfa

Morocco: Ambasaderi mushya yagejeje impapuro zimwemerera guhagararira igihugu kuri Minisitiri w’ Ububanyi n’ amahanga.

Ngenzi Kepfa

Leave a Comment